Антифон I
Вознесу Тя, Боже мой, Царю мой, і благословлю імя Твоє во вік і во вік віка.
- Молитвами Богородици, Спасе, спаси нас.
Ти єси сам Цар мой і Бог мой, заповідаяй спасеніє Яковля.
- Молитвами Богородици, Спасе, спаси нас.
Славу Царствія Твоєго рекут преподобнії Твої, і силу Твою возглаголют.
- Молитвами Богородици, Спасе, спаси нас.
Слава: І нині: - Молитвами Богородици, Спасе, спаси нас.
Антифон II
Вси язици, восплещите рукама, воскликніте Богу гласом радованія.
- Спаси нас, Сине Божій, царствуяй во славі, пощія Ти: Аллилуя.
Яко Господь вишній страшен, Цар велій по всей земли.
- Спаси нас, Сине Божій, царствуяй во славі, пощія Ти: Аллилуя.
Воцарися Бог над язики, Бог сідить на престолі святім своєм.
- Спаси нас, Сине Божій, царствуяй во славі, пощія Ти: Аллилуя.
Слава: і нині: Єдинородний Сине і Слове Божій, безсмертен сий і ізволивий спасенія нашего ради воплотитися (поклін) от Святия Богородици і Приснодіви Марії, непреложно вочеловічивийся, распнийся же, Христе Боже, смертію смерть поправий, єдин сий Святия Тройци, спрославляємий Отцу і Святому Духу, спаси нас.
Антифон III
Возміте врата князи ваша, і возмітеся врата вічная, і внидет Цар слави.
Тропар, Глас 4: Владичество Твоє, Христе Боже наш, ізбави нас от власти темния і престави в царство любве твоєя: сий і прежде сий, і явлейся нам яко Цар, Господи, слава Тебі.
Кто єсть сей Цар слави: Господь сил, той єсть Цар слави.
Тропар, Глас 4: Владичество Твоє, Христе Боже наш:
Престол Твой, Боже, в вік віка; жезл правости, жезл царствія Твоєго.
Тропар, Глас 4: Владичество Твоє, Христе Боже наш:
Після Входу з Євангелієм на: Премудрость, прости!
Аз поставлен єсьм Цар от Него над Сіоном, горою святою Єго.
Тропар, Глас 4: Владичество Твоє, Христе Боже наш:
Слава: І нині: Кондак, Глас 7: Царю віков, безсмертному, єдиному премудрому Христу Богу, поклонимся і припадем, зовуще: Тебі дадеся власть і честь, і царство, і вси людіє Тебі поработают: власть Твоя власть вічная, і царство Твоє не разсиплется, нас бо ради воцарися превічний Цар Христос.
Прокімен, Глас 3: Пойте Богу нашему, пойте: пойте Цареви нашему, пойте.
Апостол: Зач., 250, Колосян 1:12-20
Євангелія: Зач., 59, Йоанна 18:33-37
Замість "Достойно" співаємо:
Величай, душе моя, іже во вселенній воцарившагося Царя Христа.
Величай, душе моя, славнійшую Владичицу, Матер Царя Христа.
Ірмос, Глас 2: Безначальна Родителя Син, Бог і Господь, воплощся от Діви, нам явися, омраченная просвітити, собрати расточенная: тім всепітую Богородицу величаєм.
Причастен: Господь Судія наш, Господь Князь наш, Господь Цар наш, той нас спасет. Аллилуя.
Джерело:
МОЛИТОВНИК ХРИСТИЯНСЬКОЇ РОДИНИ,
Передрук видання о.о. Василіян, Р.Б. 1938
З доповненнями і виправленнями
Львів-2013
P.S. Бачимо, що немає другого стиха в Прокімені, і взагалі немає стихів на Аллилуя. Невідомо, як виглядає в оригіналі видання 1938 Р.Б.
|
